Anxo M. Lorenzo convida a gozar da cultura na Feira do Libro de Rianxo
O director xeral de Cultura participa na inauguración da novena parada do circuíto impulsado pola Xunta e a Federación de Librarías que percorre Galicia ata agosto
Ata o sábado están previstas máis de 40 propostas como presentacións, actividades infantís ou a sinatura de libros nas que participarán case unha vintena de escritores
Rianxo (A Coruña), 24 de xullo de 2024
O director xeral de Cultura, Anxo M. Lorenzo, participou hoxe na presentación da Feira do Libro de Rianxo, a novena parada do circuíto posto en marcha pola Xunta de Galicia e a Federación de Librarías de Galicia que este ano percorre 13 localidades ata o mes de agosto.
No acto de apertura, o representante da Consellería de Cultura, Lingua e Xuventude salientou a boa acollida destas feiras por parte da cidadanía que aproveita para coñecer e adquirir novidades. “Convido a todo o mundo a achegarse ata esta praza de Castelao para gozar da literatura e dos plans culturais organizados ao abeiro desta iniciativa ata o sábado”, sinalou o director xeral de Cultura.
Neste senso, Anxo M. Lorenzo, agradeceu o traballo de todos os axentes implicados nesta cita e explicou que, en total, celebraranse máis de 40 actividades. “Inclúense desde presentacións, ata actividades infantís, obradoiros, recitais ou sinaturas de libros” indicou antes de engadir que se contará coa participación dunha vintena de escritores.
Calendario ata agosto
A Feira do Libro inclúese na campaña CulturON, o programa impulsado pola Xunta de Galicia que promove máis de 30 actividades culturais diarias este verán. Neste caso, a cita celébrase ata o sábado 24 na praza de Castelao e conta coa participación de 11 librarías.
Tras o seu paso por Rianxo, o calendario continuará ata agosto con paradas en A Coruña (do 1 ao 10 de agosto), Viveiro (do 12 ao 15 de agosto), Foz (do 16 ao 19 de agosto) e Monforte de Lemos (do 21 ao 24 de agosto).
