A Xunta avanza cara a igualdade de xénero laboral a través do programa transfronteirizo con Portugal Iqual Campus
Vigo, 16 de xullo de 2024
O secretario xeral de Emprego e Relacións Laborais, Pablo Fernández, asistiu hoxe a unha reunión de socios para a coordinación da posta en marcha do proxecto Iqual Campus, unha innovadora iniciativa liderada pola Xunta de Galicia no marco da 4ª convocatoria do Programa Interreg España – Portugal (POCTEP 2021-2027) e na que tamén participan a comunidade intermunicipal do Alto Minho, a comunidade intermunicipal do Vale do Cávado, a universidade do Porto e a universidade de Santiago de Compostela.
O obxectivo de Iqual Campus é mellorar a calidade e cobertura dos servizos formativos en materia de igualdade laboral existentes en Galicia e no Norte de Portugal. O proxecto contempla o desenvolvemento conxunto dun sistema formativo piloto especializado en igualdade de xénero laboral e dirixido a capacitar e certificar aos grupos de interese clave: docentes e técnicos/as de igualdade, principalmente. A finalidade é lograr a inclusión efectiva e estendida da perspectiva de xénero en todas as actividades profesionais da eurorrexión, así como a formar á sociedade en xeral.
Imaxes relacionadas
