O conselleiro de Sanidade, Antonio Gómez Caamaño, deu a benvida aos asistentes ao evento en Santiago
Gómez Caamaño valora a celebración en Galicia do Congreso europeo de páncreas, situando á comunidade como referente
Destaca o labor da sanidade pública galega e iniciativas como a do Club europeo pancreático de cara a facilitar o intercambio de coñecemento na materia
A unidade de transplante de páncreas do Hospital Universitario da Coruña é un centro de referencia para o Sistema Nacional de Saúde
Santiago de Compostela, 26 de xuño de 2024
O conselleiro de Sanidade, Antonio Gómez Caamaño, deu esta tarde a benvida aos asistentes ao Congreso europeo de Páncreas, que se están a celebrar en Santiago de Compostela, e que sitúa á comunidade como referente.
Durante o acto, que tivo lugar no Hostal dos Reis Católicos, Gómez Caamaño destacou o traballo de investigación que se desenvolve na sanidade pública galega e iniciativas como a do Club europeo pancreático de cara a facilitar o intercambio de coñecemento na materia.
Galicia é referente neste ámbito no traballo clínico e asistencial xa que a unidade de transplante de páncreas en adultos do Hospital Universitario da Coruña é designada polo Ministerio de Sanidade como un centro de referencia para pacientes de todo o Sistema Nacional de Saúde.
Imaxes relacionadas
