O delegado territorial en Pontevedra visita o resultado das obras de mellora do camiño Do Pazo a Coirón financiadas polo plan marco da Consellería do Medio Rural
Os 50.000 euros de investimento autonómico permitiron mellorar a seguridade viaria e a comodidade dun tramo de 640 metros que pasa polos lugares de Pazos e Vilaxuega
A Xunta destinou máis de 531.000 euros dos 3,2 millóns de euros destinados ao Plan Marco na provincia de Pontevedra aos concellos da comarca do Salnés e Ullán
Meaño, 25 de maio de 2024
O delegado territorial da Xunta en Pontevedra, Agustín Reguera, visitou esta mañá o concello de Meaño con motivo da obra de mellora da pavimentación do camiño Do Pazo a Coirón.
Esta obra foi posible grazas a un investimento de preto de 50.000 euros que a Xunta realizou como parte do Plan Marco 2023-2024. En total foron preto de 640 metros de estrada que foi renovada e que comunican os lugares de Pazos e Vilaxuega. O obxectivo era mellorar a seguridade viaria e a comodidade dos condutores que cada día pasan pola zona.
Cabe destacar que a Xunta destinou máis de 531.000 euros dos 3,2 millóns de euros destinados ao Plan Marco na provincia de Pontevedra aos concellos da comarca do Salnés e Ullán.
O delegado territorial aproveitou a visita para poñer en valor a importancia de manter unha boa “colaboración e coordinación cos concellos, de forma a utilizar os fondos públicos en iniciativas que realmente revertan a favor dos veciños e veciñas de cada localidade”.
Imaxes relacionadas
