A Xunta colabora na celebración do 50 aniversario da Sociedade de caza, pesca e conservación “Río Chamoso” de Castroverde
2024-05-23
/documents/35297/1053364/230524+50+aniversario+Caza+PEsca+Rio+Chamoso.jfif?version=1.0&imagePreview=1
Lugo, 23 de maio de 2024
A Xunta de Galicia colabora coa Sociedade de caza, pesca e conservación “Río Chamoso”, de Castroverde, nos actos de conmemoración do seu 50 aniversario, tal e como puxo hoxe de manifesto o delegado territorial de Lugo, Javier Arias, nunha reunión con representantes da entidade.
A celebración terá lugar o próximo 1 de xuño no Mercado Gandeiro de Castroverde e consistirá nunha comida de confraternidade, con sesión vermú e música pola tarde a cargo da orquestra D’Caché Music.
As persoas interesadas en asistir deben mercar previamente as tarxetas nos bares da localidade e outros puntos autorizados; a data límite para reservar a comida será mañá venres.
Departamento:
C. do Medio Rural
Data de actualización: 23/05/2024