Xosé Merelles salienta o crecente atractivo turístico da Festa do Melindre de Melide
O director de Turismo de Galicia participa na inauguración oficial desta festividade, unha das máis de 140 festas de Interese turístico de Galicia
Melide (A Coruña), 12 de maio de 2024
O director de Turismo de Galicia, Xosé Merelles, participou hoxe na inauguración oficial da Festa do Melindre e da repostería tradicional da Terra de Melide, onde se referiu ao crecente atractivo turístico desta festividade “que pon en valor un dos maiores recursos do modelo turístico galego como é a gastronomía”, indicou.
Como explicou, trátase dunha das máis de 140 festas de Interese Turístico de Galicia que están a contribuír a diversificar a oferta turística. Tamén salientou a importancia que a gastronomía ten na folla de ruta da Xunta xa que “aporta un importate valor engadido á experiencia turística e terá tamén un papel fundamental na futura Estratexia de Turismo de Galicia 2030 na que estamos traballando”.
Tamén se referiu a que se trata dunha folla de ruta que se complementa “con distintas accións que xa estamos levando a cabo ao abeiro dos Plans de Sustentabilidade Turística ao redor da enogastronomía en máis de 80 concellos galegos”, indicou.
Imaxes relacionadas
