Hemeroteca
Novas publicadas antes de 2023
A Xunta adxudica por máis de 510.000 euros as obras dunha senda na estrada autonómica PO-313 entre Pardavila e Cadro, no concello de Marín
A intervención ten como finalidade mellorar a seguridade viaria na contorna, favorecer os desprazamentos a pé dos veciños e fomentar a mobilidade sostible
Ethel Vázquez destaca a contribución decisiva da Xunta á licitación do tren a Punta Langosteira e chama ao concello a desbloquear a recuperación da fachada marítima da Coruña
Vázquez Mourelle lembra que a determinación da Xunta e do seu presidente acadaron hai un ano o compromiso do ex ministro Ábalos con esta infraestrutura estratéxica
A Lei do ciclo da auga prevé un programa de formación para que os concellos avancen cara a xestión profesionalizada do abastecemento e a depuración
Vázquez Mourelle destaca que esta Lei transformadora marcará un punto de inflexión no coidado das augas, contribuíndo á protección da saúde pública, do medio natural e de actividades como a pesca, o marisqueo ou o turismo
A Xunta adxudica por preto de 3,3 M€ as obras da 1ª fase de mellora da estrada LU-651 entre Ferrería Vella e Seoane do Courel, no concello de Folgoso do Courel
Renovarase e mellorarase este treito de 3,5 quilómetros da vía autonómica nunha intervención que se executará co máximo respecto ambiental e minimizando afeccións nesta zona cun elevado valor ambiental, pois é parte da Rede Natura
A Xunta licita a mellora da seguridade viaria no tramo de concentración de accidentes da estrada autonómica PO-504 en Sanxenxo por 818.000€
O delegado territorial, Luis López, informa da apertura do proceso de contratación desta obra nunha visita a esta vía entre Sanxenxo e Vilalonga acompañado do alcalde, Telmo Martín
A Xunta aproba o proxecto de Lei de mellora de xestión do ciclo integral da auga para acadar un servizo máis profesional e de calidade
Feijóo salienta que con esta lei Galicia opta polo instrumento máis eficaz e útil, que tende a man aos concellos e procura unha xestión profesional e de calidade dun servizo tan básico
A Xunta habilitou desde 2016 case 200 quilómetros de sendas seguras, sustentables e integradas na paisaxe nas estradas autonómicas cun investimento de 50 M€
Francisco Menéndez destaca que a 1ª fase do Plan de Sendas xa está case rematada e as obras relativas á segunda están en pleno desenvolvemento
A Xunta adxudica por máis de 660.000 euros as obras para a implantación de tratamento biolóxico na depuradora de Vilaboa
Trátase de mellorar o sistema de depuración desta planta dotando a instalación de tratamento secundario de augas residuais co obxectivo de cumprir os parámetros das directivas europeas no tratamento da materia orgánica vertida
A Xunta adxudica por máis de 205.000 € as obras de construción dun novo muro de protección na marxe do río Mero en Ponte Peiraio, no concello de Cambre
Actuarase no noiro de sostemento da senda fluvial sobre a marxe esquerda da canle do río, acondicionando tamén o treito do itinerario soportado por este
As obras do novo emisario submarino da depuradora dos Praceres, en Pontevedra, entran nunha nova fase coa chegada da tuneladora procedente de Alemaña
As vindeiras xornadas dedicaranse á montaxe das pezas desta máquina de grandes dimensións, que será sometida a continuación a diferentes probas e autorizacións co obxectivo de comezar a funcionar a principios de abril