Rosa Quintana asistiu á toma de posesión do presidente da Federación Provincial de Confrarías de Pescadores de Pontevedra

Soutomaior (Pontevedra), 20 de decembro de 2022 A conselleira do Mar, Rosa Quintana, asistiu esta tarde á toma de posesión do presidente da Federación Provincial de Confrarías de Pescadores de Pontevedra, José Manuel Rosas, que revalida o seu cargo tralas terceiras eleccións unificadas nos pósitos galegos.

A titular de Mar felicitou a José Manuel Rosas e aos presidentes das federacións provinciais de confrarías da Coruña, Daniel Formoso, e de Lugo, Basilio Otero, pola súa continuidade á fronte destas entidades. Tamén aos vicepresidentes primeiro e segundo e aos membros do comité executivo das tres entidades elixidos neste proceso. O seguinte e último paso nestes comicios unificados é a elección dos órganos reitores da Federación Galega de Confrarías de Pescadores, que serán proclamados o vindeiro 9 de xaneiro.