A nova estratexia galega de Responsabilidade Social Empresarial da Xunta apostará por construír unha Galicia máis sustentable e competitiva

A directora xeral de Relacións Laborais, Elena Mancha, destacou hoxe no III Encontro Empresarial Social sobre a Responsabilidade Social Empresarial (RSE), organizado polo Foro Empresa Pontevedra, que a Xunta está a traballar na elaboración dunha nova Estratexia galega de responsabilidade social empresarial para afondar no apoio ás pemes neste eido e, deste xeito, poder contar en Galicia “cun tecido empresarial máis competitivo e responsable”.

En palabras de Mancha, o Goberno galego continuará difundindo e visibilizando a relevancia da RSE e impulsando comportamentos responsables na propia Administración pública. “É importante axudar ás empresas galegas a enfrontar con éxito os retos e as oportunidades que presenta o desenvolvemento sustentable, fomentando modelos de negocio que integren as variables económicas, ambientais e sociais e de bo goberno para continuar construíndo xuntos unha Galicia sustentable e competitiva”, concluíndo.