Miranda destaca o exemplo do empresario galego Lino de Prado, quen recibiu o premio Vasco de Quiroga da Cámara Española de Comercio de México, polo seu labor en pro da proxección exterior de España e Galicia

O secretario xeral da Emigración, Antonio Rodríguez Miranda, felicitou ao empresario galego Lino de Prado tras recibir o premio Vasco de Quiroga da Cámara Española de Comercio de México, recoñecendo o seu labor como exemplo dos empresarios galegos no exterior, así como o seu compromiso na proxección exterior de España e de Galicia en particular.

Miranda estivo presente nesta gala onde o presidente da Cámara Española de Comercio, Antonio Basagoiti Pastor, destacou que, con este premio, os empresarios españois en México queren destacar a importante traxectoria de Lino de Prado no fomento das relacións comerciais e de investimento entre España e México. Na gala estiveron presentes tamén o embaixador de España en México, Juan Duarte Cuadrado, a directora da Cámara de España, Inmaculada Riera i Reñé, e a secretaria de Estado de Comercio do Ministerio de Industria, Comercio e Turismo, Xiana Méndez Bértolo.