Os hospitais galegos precisan sangue dos grupos A positivo e 0 positivo, pídese a colaboración da cidadanía
Os grupos sanguíneos A positivo e 0 Positivo amosan niveis baixos, especialmente este último, polo que é preciso reforzar o permanente chamamento á colaboración nas campañas de doazón de sangue
Santiago de Compostela, 15 novembro de 2022 A Axencia de Doazón de Órganos e Sangue (ADOS), realiza un chamamento xeneralizado á participación da poboación galega na doazón de sangue e, de maneira especial, aos doantes dos grupos A Positivo e 0 Positivo. As reservas destes grupos presentan niveis baixos, polo que é preciso reforzar o permanente chamamento á participación nas campañas de doazón que realiza a Consellería de Sanidade por mediación de ADOS. Cómpre lembrar que os centros sanitarios de Galicia necesitan entre 400 e 500 diarias para desenvolver de maneira eficaz as súas tarefas sanitarias.
En moitos dos labores asistenciais que se realizan a diario nos hospitais de Galicia son imprescindibles os compoñentes sanguíneos. En determinadas épocas do ano pode baixar o número de doazóns, pero non acontece o mesmo coa demanda de sangue e os seus derivados que precisan os centros sanitarios. Por iso, é imprescindible a xenerosidade e altruísmo de todos os cidadáns, polo que ADOS solicita un esforzo especial para incrementar as reservas de sangue.
Ademais, as distintas unidades móbiles da Axencia de Doazón de Órganos e Sangue visitarán nestes días diferentes concellos galegos para conseguir as doazóns precisas que garantan o desenvolvemento do gran labor asistencial dos distintos centros sanitarios de Galicia.
ADOS espera contar de novo coa solidariedade da cidadanía galega nos seguintes desprazamentos:
DATA | CONCELLOS |
Mércores 16 de novembro | E. Politécnica (Ferrol), Campus de Elviña e Facultade C.C. do Deporte (A Coruña), Facultade Relacións Laborais e Praza Roxa (Santiago), Sanxenxo, CIFP Valentín Paz Andrade e F. De Filoloxía e Tradución (Vigo), F. Ciencias (Lugo), Currelos e Escairón (O Saviñao), F. Ciencias (Ourense) |
Xoves 17 de novembro | F. Humanidades (Ferrol), Obelisco e F. Filoloxía (A Coruña), F Matemáticas (Santiago), Bembibre (Val do Dubra), F. Ciencias Sociais (Pontevedra), CIFP Valentín Paz Andrade (Vigo), Baiona, F. De Filoloxía e Tradución (Vigo), Praza Maior (Lugo), Xunta de Galicia e Bº do Vinteún (Ourense) |
Venres 18 de novembro | Miño, Sada, Porto de A Coruña, Boiro, Pontecarreira (Frades),Vilagarcía, C. Comercial Gran Vía (Vigo), Porriño, Monforte, O Carballiño |
Sábado 19 de novembro | Sada, Boiro, Vilagarcía, Porriño, Monforte |
Ademais, tamén se pode doar sangue nos locais de doazón existentes nas sete grandes cidades galegas:
CENTRO | HORARIO |
HOSPITAL CLÍNICO UNIVERSITARIO DE SANTIAGO | Luns a venres das 8.00 ás 22.00 horas Sábado das 8.00 ás 15.00 horas |
HOSPITAL UNIVERSITARIO DA CORUÑA | Luns a venres das 8.00 ás 22.00 horas Sábado das 8.00 ás 15.00 horas |
HOSPITAL ARQUITECTO MARCIDE DE FERROL | Luns das 15.00 ás 22.00 horas Martes, mércores e xoves das 08.00 ás 15.00 horas Venres das 8.00 ás 22.00 horas |
HOSPITAL LUCUS AUGUSTI DE LUGO | Luns e venres das 15.00 ás 22.00 horas Martes, mércores e xoves das 08.00 ás 15.00 horas |
HOSPITAL UNIVERSITARIO DE OURENSE | Luns e venres das 15:00 ás 22:00 horas Martes, mércores e xoves das 8:00 ás 15:00 horas |
HOSPITAL PROVINCIAL DE PONTEVEDRA | Luns e venres de 08.00 ás 15.00 horas Martes, mércores e xoves de 15.00 horas a 22.00 horas |
HOSPITAL NICOLÁS PEÑA DE VIGO | Luns a venres das 8.00 ás 22.00 horas Sábados das 8.00 ás15.00 horas |
Doar é moi sinxelo e seguro
Pode doar sangue calquera persoa maior de idade, que pese máis de 50 quilos e que non padeza nin teña padecido enfermidades transmisibles polo sangue. A doazón de sangue é un acto sinxelo que permite a moitas persoas solucionar o seu problema de saúde e mesmo salvar vidas. Ademais, sinalar que sempre están presentes as máis rigorosas medidas de seguridade.
Para máis información, ADOS dispón do sitio web: ados.sergas.gal, as redes sociais, e o teléfono gratuíto de información 900 100 828, para resolver calquera dúbida relacionada coa doazón de sangue ou coñecer a data dos desprazamentos das unidades móbiles.