A Xunta apoiou a 19 establecementos hostaleiros da comarca de Santiago para investimentos en equipamentos post covid por un importe de case 250.000€
Trenor explicou que o obxectivo destas axudas foi “seguir colaborando na modernización das instalacións e na consecución da maior seguridade sanitaria nos establecementos hosteleiros galegos
A liña de axudas da Xunta, estivo orientada a micropemes e pemes do sector da hostalería, como hoteis, hostais, casas rurais ou outro tipo de aloxamentos e bares, restaurantes e cafeterías.
As axudas estiveron orientadas a actuacións como sistemas domóticos, control de distancias, optimización de procesos, portas e consignas automáticas, controis de acceso, renovación de aire, sistemas de climatización, así como sistemas de check-in automáticos, entre outros
O delegado da Xunta na Coruña, Gonzalo Trenor, acompañado polo alcalde de Touro, Ignacio Codesido, visitou esta mañá o Restaurante Casa Taboada, un dos beneficiados pola orde de axudas para investimentos en equipamentos post Covid dos establecementos hostaleiros que lle permitiu renovar a seu sistema de climatización.
Trenor explicou que o obxectivo destas axudas foi “seguir colaborando na modernización das instalacións e na consecución da maior seguridade sanitaria nos establecementos hosteleiros galegos". Na comarca de Santiago recibiron estas axudas un total de 19 establecementos por un importe de case 250.000 euros. No ámbito galego estes apoios ascenderon 3 millóns de euros
O delegado da Xunta puxo en valor este tipo de axudas porque “son inxeccións moi importantes para superar o impacto da pandemia e para seguir incrementando os estándares de calidade dun sector fundamental para a economía galega”.
A liña de axudas da Xunta para a dotación de equipamentos poscovid, estivo orientada a micropemes e pemes do sector da hostalería, como hoteis, hostais, casas rurais ou outro tipo de aloxamentos e bares, restaurantes e cafeterías.
Os beneficiarios recibiron achegas de ata o 90% do seu investimento cunha contía máxima de 50.000 euros e as actuacións deberán orientarse á adquisición de medidores calidade do aire, sistemas domóticos ou de check-in automático, redes de control de distancia, accesos e aforos, infraestruturas de ventilación e climatización do aire, cartelería, rotulación ou sinaléctica.
Antecedentes
Esta liña de axudas foi posta en marcha o ano pasado no marco do conxunto de medidas impulsadas pola Xunta de Galicia para apoiar ao tecido empresarial galego fronte ás circunstancias derivadas da pandemia.
As solicitudes concedidas na convocatoria anterior foron 464 por un importe de preto de 6 millóns de euros.
DATOS DO ESTABLECEMENTO NOME COMERCIAL | CONCELLO | OBXECTO AXUDA | AXUDA CONCEDIDA CON IVE (MÁXIMO 50.000) |
MESON RURAL BRANDARIZ | ARZÚA | EQUIPAMENTO MULTISERVIZO | 9.266,85 € |
CASA DE TURISMO RURAL FOGAR DE SELMO | ROIS | EQUIPAMENTO MULTISERVIZO | 2.686,20 € |
MOLESON | SANTA COMBA | NOVO EQUIPAMENTO DE HIXIENIZADO E LAVADO | 5.995,08 € |
BODEGUILLA DE SAN LAZARO | SANTIAGO DE COMPOSTELA | OPTIMIZACIÓN DE PROCESOS, SOFTWARES DE CONTROL ASOCIADOS, ENVOLTORIOS E MATERIAL DUN SO USO | 6.412,83 € |
BODEGUILLA DE SANTA MARTA | SANTIAGO DE COMPOSTELA | OPTIMIZACIÓN DE PROCESOS, ENVOLTORIOS DE UN SO USO | 6.432,62 € |
CASA DO MEDIO | SANTIAGO DE COMPOSTELA | PORTAS E CONSIGNAS AUTOMÁTICAS, OPTIMIZACIÓN DE PROCESOS | 517,50 € |
O FOGAR DE GALICIA | SANTIAGO DE COMPOSTELA | SISTEMA DOMÓTICO DE CONTROL DE DISTANCIA E CONTROL DE ACCESO | 2.737,79 € |
ROSA ROSAE | SANTIAGO DE COMPOSTELA | SISTEMA DOMÓTICO DE RENOVACIÓN DE AIRE E SISTEMAS DE CLIMATIZACIÓN | 27.532,80 € |
CAFE BAR MARTE | SANTIAGO DE COMPOSTELA | SISTEMA DE CLIMATIZACIÓN | 2.250,00 € |
ROOM FEITIZO | SANTIAGO DE COMPOSTELA | SISTEMAS CHECK-IN AUTOMÁTICOS, PROCESOS DE DESINFECCIÓN REALIZADOS POR EMPRESAS EXTERNAS CON MOTIVO DA COVID,CARTELEIRA, ROTULACIÓN E SINALIZACIÓN | 4.957,71 € |
ALABAMA | SANTIAGO DE COMPOSTELA | NOVO EQUIPAMENTO DE HIXIENIZADO E LAVADO | 1.590,98 € |
A TABOA DE PICAR | SANTIAGO DE COMPOSTELA | EQUIPAMENTO MULTISERVIZO | 11.112,18 € |
ESTUDIO 34 | SANTIAGO DE COMPOSTELA | SISTEMA DOMÓTICO DE OPTIMIZACIÓN DE PROCESOS E SOFTWARE ASOCIADOS, NOVO EQUIPAMENTO DE HIXIENIZADO E LAVADO | 34.428,60 € |
LA PLANTA | SANTIAGO DE COMPOSTELA | OPTIMIZACIÓN DE PROCESOS, CONTROIS DE ACCESO, SOFTWARES DE CONTROL ASOCIADOS, CARTELEIRA, ROTULACIÓN E SINALIZACIÓN, NOVO EQUIPAMENTO DE HIXIENIZADO E LAVADO | 34.428,60 € |
FOGAR DO SANTISO | TEO | SISTEMA DE CONTROL DE ACCESO, CARTELERÍA, ROTULACIÓN, SINALIZACIÓN E ACTUACIONS VINCULADAS, ENVOLTORIOS E MATERIAL DE UN SÓ USO E RENOVACIÓN DE AIRE | 22.195,15 € |
CANALETTO | TEO | NOVO EQUIPAMENTO DE HIXIENIZADO E LAVADO, SISTEMA DE CLIMATIZACIÓN | 12.501,00 € |
HOTEL CONGRESO | TEO | EQUIPAMENTO MULTISERVIZO, NOVO EQUIPAMENTO DE HIXIENIZADO E LAVADO, CARTELERÍA, ROTULACIÓN, SINALIZACIÓN DIXITAL | 26.748,00 € |
RESTAURANTE CASA TABOADA | TOURO | SISTEMA DE CLIMATIZACIÓN | 30.694,58 € |
O CRUCEIRO DA ULLA | VEDRA | SISTEMA DOMÓTICO DE CONTROL DE ACCESO E SOFWARE ASOCIADO | 1.135,80 € |
19 AXUDAS | 243.624,27 € |