A Xunta manterá a súa aposta polo vehículo eléctrico e conectado, acompañando ás empresas da automoción no contexto actual de transformación
A secretaria xeral de Industria, Paula Uría, participou esta mañá en Santiago na apertura da I Xornada de Automoción en Galicia
Santiago de Compostela, 3 de novembro de 2022 A secretaria xeral de Industria, Paula Uría, participou esta mañá na apertura da I Xornada de Automoción en Galicia que se celebrou en Santiago de Compostela. Na súa intervención, explicou que a Xunta manterá a súa aposta polo vehículo eléctrico e conectado, acompañando ás empresas desta industria neste contexto de transformación.
Tras asegurar que a automoción é un dos sectores estratéxicos da Comunidade e unha industria punteira que xera miles de empregos, a secretaria xeral referiuse á época de cambios que está atravesando o conxunto da industria e, especialmente, a do automóbil. Con desafíos no eido da conectividade, a electrificación, a condución autónoma e a nova mobilidade.