‘Sofía’ e Mateo’ son os nomes máis frecuentes das nenas e nenos que nacen en Galicia
O IGE publica hoxe a ‘Estatística de nomes dos neonatos galegos’ correspondente ao ano 2021
Os nomes máis empregados para as nenas seguen a ser -ao igual que en 2020- ‘Sofía’ e ‘Noa’, seguidos de ‘Martina’ e ‘Lara’,
En canto aos masculinos, destacan ‘Mateo, ‘Martín’, ‘Hugo’ e ‘Leo’
O Instituto Galego de Estatística (IGE) publica hoxe a ‘Estatística de nomes dos neonatos galegos’ correspondente ao ano 2021, que reflicte que ‘Sofía’ e ‘Mateo’ seguen a ser os nomes máis frecuentes das nenas e nenos nados en Galicia.
Os nomes de mulleres máis comúns son ‘Sofía’, ‘Noa’, ‘Martina’, ‘Lara’ e ‘Valeria’, que continúan nas primeiras cinco posicións se se compara co 2020.
En canto aos nomes masculinos, a estatística mostra que os cinco máis frecuentes son ‘Mateo’, ‘Martín’, ‘Hugo’, ‘Leo’ e ‘Lucas’. A comparativa co ano 2020 reflicte que estes eran tamén os nomes preferentes nese ano, coa diferencia de que ‘Lucas’ estaba no terceiro lugar e no 2021 baixa ata o quinto posto, por detrás de Hugo e Leo, que ocupan o terceiro e cuarto posto respectivamente.
Por outra banda, se se amplía a mostra e se teñen en conta os 20 primeiros nomes, pódese ver como en 2020, no caso dos nenos, todos os nomes se manteñen na lista, agás ‘Iago’, ‘Anxo’, ‘Mario’ e ‘Adrián’ que dan paso no 2021 a ‘Roi’, ‘Bruno’, ‘Luca’ e ‘Alejandro’.
En canto ás nenas, no 2021 incorpóranse ‘Emma’ e ‘Lola’ e desaparecen do listado dos 20 primeiros ‘Alma’ e ‘Uxía’.
Estatística sobre os nomes máis frecuentes da poboación
O IGE tamén dispón da ‘Estatística sobre os nomes máis frecuentes da poboación’ a través da cal se pode coñecer a evolución histórica dos nomes en función da comarca, o xénero ou a década (desde antes de 1930 ata a década actual).
Esta estatística ofrece información relativa aos nomes da poboación que ten fixada a súa residencia na Comunidade Autónoma de Galicia, e permite tamén coñecer a distribución comarcal de calquera nome. Pódese consultar no seguinte enlace:
NOMES MÁIS FRECUENTES EN 2020 E 2021
NENOS | NENAS | ||||
2020 | 2021 | 2020 | 2021 | ||
1 | Mateo | Mateo | 1 | Sofía | Sofía |
2 | Martín | Martín | 2 | Noa | Noa |
3 | Lucas | Hugo | 3 | Martina | Martina |
4 | Hugo | Leo | 4 | Lara | Lara |
5 | Leo | Lucas | 5 | Valeria | Valeria |
6 | Gael | Enzo | 6 | Daniela | Daniela |
7 | Enzo | Manuel | 7 | Lucía | Olivia |
8 | Manuel | Roi | 8 | Vega | Sara |
9 | Daniel | Gael | 9 | Sara | Mia |
10 | Brais | Alex | 10 | Vera | Lucia |
11 | Iago | Antón | 11 | Lía | Lía |
12 | Anxo | Izan | 12 | Mía | Valentina |
13 | Antón | Daniel | 13 | Carmen | Vera |
14 | Marco | Pablo | 14 | Julia | Vega |
15 | Pablo | Marco | 15 | Alma | Julia |
16 | Xoel | Brais | 16 | Valentina | Sabela |
17 | Alex | Bruno | 17 | Olivia | Carmen |
18 | Izan | Xoel | 18 | Carla | Emma |
19 | Mario | Luca | 19 | Sabela | Carla |
20 | Adrián | Alejandro | 20 | Uxía | Lola |