A Xunta destaca o potencial deportivo de Galicia na entrega de premios da II Edición do Circuíto de Golf Tur43
A directora de Turismo de Galicia, Nava Castro, participou na entrega de premios onde destacou a importancia que ten este deporte na nosa comunidade, xa que permite desestacionalizar a oferta turística e ofertar natureza e lugares non masificados
Esta competición, organizada polo periódico dixital de turismo especializado TUR 43, recalou na súa segunda edición en cinco campos da España Verde e, por primeira vez, tamén en Portugal
Santiago de Compostela, 8 de outubro de 2022 A directora de Turismo de Galicia, Nava Castro, destacou a importancia que ten o golf na nosa comunidade, xa que permite desestacionalizar a oferta turística e ofertar o que actualmente están a demandar os viaxeiros, que son natureza e lugares non masificados
Esta competición, organizada polo periódico dixital de turismo especializado TUR 43, recalou na súa segunda edición en cinco campos da España Verde e, por primeira vez, tamén en Portugal. O Circuíto ofrece aos seus xogadores a posibilidade de conseguir grandes premios como estancias en aloxamentos únicos, experiencias culinarias en restaurantes, produtos premium e moitas outras opcións de lecer e cultura.
O golf, xunto con outras moitas competicións deportivas, permiten seguir impulsando a Galicia como un destino turístico deportivo de excelencia, algo polo que a Xunta fixo unha firme aposta mediante o seu Plan Director Turístico.