O Bono turístico “Quedamos en Galicia 2022” ten adheridos 114 establecementos na comarca de Santiago

O delegado da Xunta na Coruña, Gonzalo Trenor, acompañado polo alcalde de A Baña, José Andrés García, lembrou esta mañá que desde o xoves, 15 de setembro, xa está de novo activado o bono turístico “Quedamos en Galicia” que ten adheridos 114 establecementos na comarca de Santiago.

Trenor fixo estas declaracións,  no transcurso dunha visita a Carballeira do Tambre un dos establecementos que se poden seleccionar, ubicado no Concello de A Baña, dentro das tarxetas deste bono no ano 2022.

O representante do Goberno galego subliñou que “chegamos ao remate desta terceira edición cun gran éxito de participación, tras dous anos de duras restriccións pola pandemia”. Neste senso, apuntou que “todos temos moitas ganas de saír por Galicia e boa proba diso foi a excelente acollida dos galegos a esta iniciativa turística”. Trenor destacou que con este plan queremos dinamizar e colaborar co noso potente sector turístico fora das datas de tempada alta e que os galegos descubran os grandes atractivos turísticos que hai na nosa terra”.

Trenor tamén subliñou que “desde a Xunta eramos conscientes de que o turismo ía ser un dos motores da recuperación económica de Galicia trala pandemia, por iso estuvimos desde o primeiro momento do lado do sector con axudas por valor de 120 millóns de euros, cun obxectivo triplo: evitar a caída das empresas nos tempos de peche polas restricións sanitarias, adaptar os negocios aos protocolos e fortalecelos para a nova etapa que se abre agora, “cando Galicia aspira a liderar o sector a pechar o Xacobeo con cifras históricas”.

O delegado da Xunta rematou recalcando que “Galicia está de moda” e puxo en valor a profesionalidade do sector e a solidariedade e responsabilidade dos galegos na consecución destes fitos.

LOCALES ADHERIDOS NO BONO TURÍSTICO 2022 NA COMARCA DE SANTIAGO