Extinguido o incendio forestal rexistrado no concello pontevedrés de Rodeiro, parroquia de Riobó
Segundo as últimas medicións realizadas, o lume afectou unha superficie de 20 hectáreas: 18 rasas e 2 arboradas
A Consellería do Medio Rural informa de que o incendio forestal rexistrado no concello pontevedrés de Rodeiro, parroquia de Riobó, xa foi extinguido.
O lume -que se iniciara onte ás 16,20 h. da tarde- quedou sufocado ás 4,30 h. desta madrugada. Segundo as últimas medicións, a superficie afectada foi de 20 hectáreas: 18 ha rasas e 2 ha arboradas. No seu control traballaron en total 7 axentes, 14 brigadas, 8 motobombas, 2 pas, 4 avións e 5 helicópteros.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.