A Xunta abre ao tráfico a Ponte Nafonso, que une Noia e de Outes, ao rematar as obras de mellora de seguridade e posta en valor, cun orzamento de máis de 700.000 €
A ponte xa loce desde hai dúas semanas a nova iluminación, que realza a monumentalidade da infraestrutura, seguindo o modelo usado na Ponte Sampaio, en Pontevedra
A intervención, no seu conxunto, incluíu a configuración do peitoril de pedra en lugar do metálico, así como a substitución do pavimento e da varanda
A actuación combina a funcionalidade da infraestrutura co máximo coidado e a súa posta en valor, dada a súa singularidade ao tratarse dunha ponte medieval
Este proxecto forma parte do programa de control das pontes e obras de paso da Xunta, co fin de preservar a seguridade e alongar a vida útil destas estruturas
Santiago de Compostela, 8 de agosto de 2022
A Xunta abre ao tráfico a Ponte Nafonso, que une os concellos de Noia e Outes na estrada AC-196, ao rematar as obras de posta en valor e de reforzo da seguridade de vehículos e de peóns.
A Xunta retomara en abril as obras, tras recibir o visto bo da Comisión de Patrimonio da Coruña o novo proxecto para a ponte, que recollía a configuración do peitoril de pedra en lugar do metálico, e unha vez superado o paro do transporte que retrasou o seu reinicio.
A intervención combinou a funcionalidade da infraestrutura co máximo coidado e a súa posta en valor, dada a súa singularidade ao tratarse dunha ponte medieval.