Estabilizado o incendio forestal do concello coruñés de Camariñas, parroquia de Camelle
Segundo as últimas estimacións, afecta unha superficie provisional dunhas 60 hectáreas
A Consellería do Medio Rural informa de que ás 17,52 h. desta tarde quedou estabilizado o incendio forestal que afecta ao concello coruñés de Camariñas, parroquia de Camelle.
O lume iniciouse ás 12,18 h. desta mañá e, segundo as últimas estimacións, afecta unha superficie provisional dunhas 60 hectáreas. Para o seu control mobilizáronse ata o de agora 3 técnicos, 8 axentes, 14 brigadas, 9 motobombas, 5 helicópteros e 2 avións.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.