Extinguido o incendio forestal do Concello de Santiago de Compostela, parroquia de Figueiras
Segundo as últimas medicións, afectou unha superficie de 20 hectáreas, 18 delas arboradas e o resto de monte raso
A Consellería do Medio Rural informa de que o incendio forestal rexistrado no concello de Santiago de Compostela, parroquia de Figueiras, xa está extinguido.
O lume iniciouse ás 02,13 h. desta madrugada e quedou extinguido ás 17,15 h. Segundo as últimas medicións, afectou unha superficie de 20 hectáreas, 18 delas arboradas e o resto de monte raso. Para o seu control mobilizáronse en total 6 axentes, 10 brigadas, 7 motobombas, 1 pa e 2 helicópteros.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.