Galicia necesita incrementar as súas reservas de sangue dos grupos cero negativo e cero positivo
A Axencia de Doazón de Órganos e Sangue fai un chamamento a toda a cidadanía a doar sangue nas xornadas da primeira ponte festiva do mes de decembro
As distintas unidades móbiles de ADOS visitarán, nestes días, máis de 40 concellos
A Axencia de Doazón de Órganos e Sangue (ADOS), convida a toda a cidadanía a doar sangue nas xornadas da primeira ponte festiva do mes de decembro, en especial ás persoas dos grupos cero negativo e cero positivo.
A vindeira ponte festiva, así como as próximas festas do Nadal, requiren dun esforzo na participación dos cidadáns, pois pode descender o número de doazóns pero non sucede o mesmo coa demanda de compoñentes sanguíneos por parte dos centros hospitalarios. Por tanto, precisamos da xenerosidade e colaboración de todos e todas para conseguir entre 400 e 500 doazóns diarias de sangue que garantan os compoñentes sanguíneos necesarios para que os hospitais galegos desenvolvan o seu labor asistencial.
Doar é moi sinxelo
Pode doar sangue calquera persoa maior de idade, que pese máis de 50 quilos e que non padeza nin teña padecido enfermidades transmisibles polo sangue. A doazón de sangue é un acto sinxelo que permite a moitas persoas solucionar o seu problema de saúde e mesmo salvar vidas.
As distintas unidades móbiles da Axencia de Doazón de Órganos e Sangue visitarán, nestes días, máis de 40 concellos galegos para conseguir as doazóns precisas que garantan o desenvolvemento do gran labor asistencial dos distintos centros sanitarios de Galicia.
ADOS espera contar de novo coa solidariedade da cidadanía galega nos seguintes desprazamentos:
DATA | CONCELLOS |
Venres 3 de decembro | ESENGRA (Ferrol), Carballo, Praza Conchiñas (A Coruña), Ribeira, Bembibre (Val do Dubra), Lalín, Centro Comercial Travesía de Vigo, Porriño, Burela,O Posio (Ourense), Verín |
Sábado 4 de decembro | Narón, Xubia (Narón), Carballo, Ribeira, Lalín, Centro Comercial Travesía de Vigo, Mondoñedo |
Martes 7 de decembro | Praza de España (Ferrol), Cantón Obelisco (A Coruña), Área Central Fontiñas (Santiago), A Gaiteira/Os Castros (A Coruña), Praza Roxa (Santiago), A Ferrería (Pontevedra), García Barbón (Vigo), Rúa Barcelona (Vigo), Praza Maior (Lugo), Rúa do Paseo (Ourense) |
CENTRO | HORARIO |
HOSPITAL CLÍNICO UNIVERSITARIO DE SANTIAGO | Luns a venres das 8.00 ás 22.00 horas Sábados das 8.00 ás 15.00 horas |
HOSPITAL UNIVERSITARIO DA CORUÑA | Luns a venres das 8.00 ás 22.00 horas Sábados das 8.00 ás 15.00 horas |
HOSPITAL ARQUITECTO MARCIDE DE FERROL | Luns das 15.00 ás 22.00 horas Martes, mércores e xoves das 08.00 ás 15.00 horas Venres das 8.00 ás 22.00 horas |
HOSPITAL LUCUS AUGUSTI DE LUGO | Luns e venres das 15.00 ás 22.00 horas Martes, mércores e xoves das 08.00 ás 15.00 horas |
HOSPITAL UNIVERSITARIO DE OURENSE | Luns e venres das 15:00 ás 22:00 horas Martes, mércores e xoves das 8:00 ás 15:00 horas |
HOSPITAL PROVINCIAL DE PONTEVEDRA | Luns e venres das 08.00 ás 15.00 horas Martes, mércores e xoves das 15:00 ás 22:00 horas |
HOSPITAL NICOLÁS PEÑA DE VIGO | Luns a venres das 8.00 ás 22.00 horas Sábados das 8.00 ás 15.00 horas |
ADOS rembra que, aínda que se pode acudir de forma espontánea, é recomendable solicitar cita no teléfono arriba citado.