A Xunta remata a reparación dos depósitos de auga e as obras de saneamento en varios núcleos do Concello da Veiga

A Xunta rematou as obras de reparación dos depósitos de auga para o abastecemento, así como os traballos para dotar de saneamento varios núcleos do concello da Veiga. A titularidade das novas infraestruturas acaba de ser entregada hoxe ao Concello.
Estas actuacións, que supuxeron un investimento autonómico de preto de 48.000 euros, responden á solicitude feita polo Concello da Veiga de dotar ao núcleo de Hedreira dun novo depósito de auga potable con caudal e presión suficiente para abastecer os seus veciños.
Os traballos consistiron no reforzo exterior para evitar movementos que produzan fisuras nos depósitos e na súa impermeabilización pola cara exterior. Deste xeito, resólvense os problemas de filtracións que se producían nestes dous núcleos.
Ademais, dotouse de saneamento os núcleos de Castromarigo e de Espiño, que se atopaban sen este servizo e leváronse a cabo as conexións á rede existente.
Os traballos incluíron o movemento de terras, a escavación das gabias que aloxarán as novas canalizacións, a reparación dos depósitos existentes e a instalación da rede de saneamento.
A Consellería de Infraestruturas e Mobilidade continúa prestando o seu apoio técnico e financeiro ás entidades locais para axudalas a desenvolver de xeito eficiente as súas competencias de saneamento, depuración e abastecemento.