A Consellería do Medio Rural informa da situación dos lumes forestais con datos recollidos ata as 13,30 h de hoxe
Permanece activo o incendio do concello lucense de Folgoso do Courel, parroquia homónima, que rolda as 50 hectáreas
Quedou controlado o lume do municipio ourensán de Lobios, parroquia de Río Caldo, que afecta menos dunha hectárea do Parque Natural Baixa Limia Serra do Xurés
A Consellería do Medio Rural informa da situación dos lumes forestais con datos recollidos ata as 13,30 h de hoxe.
Folgoso do Courel
Continúa activo, dende que se iniciou ás 04,50 h desta madrugada, o incendio rexistrado no municipio lucense de Folgoso do Courel, parroquia homónima. Segundo as últimas estimacións provisionais, afecta unha superficie dunhas 50 hectáreas. Ata o de agora desprazáronse á zona para controlalo 1 técnico, 6 axentes, 11 brigadas, 7 motobombas, 7 avións e 2 helicópteros.
Lobios
Quedou controlado ás 11,40 h desta mañá o lume que se orixinara ás 08,46 h no concello ourensán de Lobios, parroquia de Río Caldo. Neste caso, afecta menos dunha hectárea do Parque Natural Baixa Limia Serra do Xurés. Ata o momento mobilizáronse para o seu control 1 axente, 4 brigadas, 2 motobombas e 1 helicóptero.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.