A Xunta inicia as obras de execución dunha senda peonil na estrada autonómica PO-404 no concello de Tui
Os traballos supoñen un investimento autonómico superior aos 32.000 euros e contan cun prazo de execución de 2 meses
A intervención permite prolongar a senda construída na glorieta de acceso á depuradora de Guillarei, executada pola Xunta cun investimento de 263.000 euros
Estase a construír un treito de senda de 60 metros de lonxitude, entre os puntos quilométricos 1+760 e 1+820, cun ancho mínimo de 1,5 metros
A Xunta continúa traballando na mellora das estradas autonómicas co obxectivo de reforzar a seguridade viaria e favorecer a mobilidade
A Consellería de Infraestruturas e Mobilidade comezou a execución das obras dunha senda peonil na estrada PO-404, entre os puntos quilométricos 1+760 e 1+820, no concello de Tui.
A intervención conta cun investimento de 32.400 euros e cun prazo de execución de 2 meses.
Esta actuación permitirá prolongar a senda no perímetro da glorieta da intersección da estrada autonómica co viario de acceso á depuradora de Guillarei, salvando un punto da estrada especialmente estreito. Esta glorieta foi executada pola Xunta no ano 2019, cun investimento de preto de 263.000 euros.
Estase a construír un treito de senda de 60 metros de lonxitude, entre os puntos quilométricos 1+760 e 1+820, cun ancho mínimo de 1,5 metros.
A intervención, que se executa no dominio público existente, inclúe un muro e sostemento dunha altura media de 1,5 metros.
O departamento que dirixe Ethel Vázquez, continúa traballando na mellora das estradas autonómicas co obxectivo de reforzar a seguridade viaria e favorecer a mobilidade.
Imaxes relacionadas
