O programa de aceleración de Turislab comeza coa formación das 15 startups seleccionadas na primeira fase

A directora xeral de Turismo, Nava Castro, foi a encargada de dárllela benvida aos participantes dos proxectos preseleccionados para a súa aceleración a través de Turislab, a Aceleradora galega de Turismo que impulsa a Xunta de Galicia para dotar ao sector de solucións innovadoras e melloras para os profesionais e os usuarios finais. A sede central do programa, situada na Barcia, contou coa presencia dos 15 proxectos mellor valorados desta primeira edición, que comezaron o seu primeiro módulo de formación a cargo do experto en startups, Carlos Otero.

Esta primeira fase de PreAcademia desenvolverase durante catro fins de semana, ata o 4 de xuño, data na que se celebrará o primeiro dos Demo Days previstos, e que servirá para escoller aos 10 finalistas do programa, que serán os que accedan á fase central e definitiva da Academia, que se prolongará durante 6 meses.

Turislab recibiu un total de 83 candidaturas na súa primeira edición. O equipo de selección, conformado por 17 profesionais de distintas especialidades, acordou a listaxe definitiva de seleccionados en base á distintos criterios entre os que destacan as posibilidades de escalabilidade e internacionalización nos mercados, a viabilidade do proxecto e o investimento necesario ou os factores de innovación introducidos, entre outros aspectos.

Os 15 proxectos seleccionados

Das seis categorías habilitadas pola organización de Turislab, Travel Tech foi a que máis propostas gañadoras, sete en total, seguido das categorías Social Tech e Sostibilidade, con tres proxectos cada unha delas e Camiño de Santiago, con dous. Estes son os seleccionados e ás categorías á que pertencen:

ROOMDOO (Travel Tech) propón unha xestión automatizada e a tempo real de todos os indicadores clave dun aloxamiento turístico.

CAPPTUS (Travel Tech), é unha aplicación para grupos de guías turísticos con xeolocalización incorporada.

APP BAIXO MIÑO (Travel Tech), ofrece un paquete completo de servizos e actividades turísticas especializados na Comarca do Baixo Miño.

NÓMADA (Travel Tech), é produto dixital con intelixencia de mercado e viralización da promoción.

LUX XPERIENCE (Travel Tech), ofrece realidade mixta para visitas autónomas a enclaves culturais e históricos.

SH360 Servicios Hoteleros 360º (Travel Tech), está orientado ao desenvolvemento da transformación dixital e posicionamento competitivo para aloxamentos e hoteis.

43º 8´ CREATIVE ALGORITHM (Travel Tech), oferta un análise de comportamentos para alcanzar obxectivos de marketing e vendas.

FAR WORK (Social Tech) desenvolve ecosistemas para facilitar o teletraballo en entornos urbanos, naturais e rurais.

CAMPUS SPAIN (Social Tech) quere desenvolver Galicia como destino educativo internacional con estancias temporais.

NACIONAL VI (Social Tech) busca elevar a activo turístico internacional unha ruta repleta de recursos turísticos.

E – BIKE TOURS IN GALICIA (Sostibilidade) está orientado a desenvolver viaxes sostibles e á carta coa bicicleta como fío condutor en Galicia.

RUTEART (Sostibilidade) quere ofertar viaxes alternativos e sostibles con compoñente medioambiental.

SOLLU (Sostibilidade) é unha proposta centrada no ecoturismo con experiencias únicas inmersivas mediante tecnoloxía dixital.

BEDANDGO (Camiño de Santiago) propón emprazamentos sostibles, intelixentes e autosuficientes no Camiño e finalmente.

UBRE (Camiño de Santiago) é unha plataforma dixital para mobilidade de persoas e distribución de produtos e servizos.