Medio Ambiente substitúe 61 vehículos para os traballos dos axentes ambientais
A Consellería adquire na modalidade de alugueiro un total de 15 vehículos todo terreos e 46 pick-ups, co obxectivo de mudar aqueles que remataron a súa vixencia
A Conselleira de Medio Ambiente, Territorio e Vivenda substitúe un total de 61 vehículos que se empregan os axentes ambientais e persoal laboral da Consellería para o desenvolvemento das súas tarefas.
En base a este contrato, divido en varios lotes, acaba de formalizarse a adquisición, na modalidade de alugueiro, dun total de 15 vehículos todo terreos e 46 pick-ups, ata 2025, co obxectivo de mudar aqueles que remataron a súa vixencia. O importe de adxudicación do contrato para o primeiro ano ascende a 355.840 euros.
Estes automóbiles estarán a disposición dos traballadores da Consellería para o desenvolvemento do seu traballo a prol do medio ambiente e o territorio, así como para o desenvolvemento das tarefas que se levan a cabo nos diferentes espazos naturais da Comunidade.
Así mesmo, a Consellería licitou esta semana o contrato para a adquisición de vestiario e calzado de traballo para o persoal da Dirección Xeral de Patrimonio Natural por un importe de 205.252 euros.
A través de varios lotes, adquirirase roupa de traballo (pantalóns, calzado, etc.) para os vixiantes de recursos naturais, os capataces e oficiais, así como para os peóns forestais. Grazas a este contrato tamén se prevé facilitar chalecos de alta visibilidade para o persoal laboral.