A Xunta activa unha alerta laranxa por temporal costeiro no noroeste da provincia da Coruña e no litoral lucense a partir deste mediodía
O resto do litoral galego atópase en nivel amarelo
Lémbrase a necesidade de extremar as precaucións, seguir as medidas de protección pertinentes e consultar a web www.112galicia.org
Santiago de Compostela, 23 de xaneiro de 2021- A Dirección Xeral de Emerxencias e Interior da Vicepresidencia da Xunta ven de activar unha alerta laranxa por temporal costeiro no noroeste da provincia de A Coruña e no litoral lucense a partir deste mediodía.
Segundo a Axencia Estatal de Meteoroloxía (AEMET), a partir deste mediodía dará comezo un fenómeno meteorolóxico adverso de nivel laranxa que afectará aos litorais no noroeste da provincia de A Coruña e na provincia de Lugo.
No litoral de A Coruña haberá vento de suroeste-oeste de de forza 8 en Prior-Bares, con mar combinada do oeste con ondas de 4 a 5 metros. E no litoral de Lugo, esperase vento do oeste de forza 8, principalmente en Bares e mar adentro con mar combinada do oeste-suroeste de 4 a 5 m. O resto do litoral permanecerá en nivel amarelo
A Xunta lembra a importancia de manterse afastado da liña de costa, isto é, diques, rompentes, paseos marítimos. Tamén se recomenda que se extremen as medidas de seguridade á hora de realizar calquera actividade no mar e que se revisen os cabos e amarres das embarcacións .Ademais, aconséllase consultar a páxina web do CIAE 112 (www.112galicia.org), que conta con información meteorolóxica e con enlaces de interese.