A Axencia de Doazón de Órganos e Sangue chama á cidadanía a doar na ponte festiva de decembro
As unidades móbiles de ADOS visitarán esta semana máis de 40 concellos galegos co obxectivo de garantir o axeitado abastecemento de compoñentes sanguíneos dos nosos hospitais
A Axencia de Doazón de Órganos e Sangue (ADOS) convida a toda a cidadanía a doar sangue nas xornadas da ponte festiva do mes de decembro. ADOS salienta que, nestes momentos, precísase incrementar o volume de doazóns do tipo A Positivo, xa que, no transcurso das últimas semanas, detectouse un aumento das necesidades deste grupo sanguíneo. Neste sentido, lembrar, ademais, a importancia da necesidade de incrementar nos vindeiros días o número de doazóns dos demais grupos, e especialmente do Cero Negativo, popularmente coñecido como doador universal.
Os períodos vacacionais e as pontes festivas precisan dun reforzo no chamamento á participación da ciudadanía, xa que pode baixar o número de doazóns pero non sucede o mesmo coa demanda de compoñentes sanguíneos por parte dos centros hospitalarios. Neste sentido, lembrar que, todos os días do ano, precísanse entre 400 e 500 doazóns de sangue para garantir os compoñentes sanguíneos que necesitan os nosos hospitais.
Desprazamentos
As dez unidades móbiles da Axencia de Doazón de Órganos e Sangue visitarán, ao longo destes días, máis de 40 concellos galegos para acadar a participación necesaria para garantir o desenvolvemento do intenso labor asistencial dos centros sanitarios galegos.
ADOS agarda contar de novo coa solidariedade e colaboración da cidadanía e efectuará os seguintes desprazamentos:
DATA | CONCELLOS |
Luns 7 de decembro | Praza de España (Ferrol), Cambre, Oseiro e Pastoriza (Arteixo), Bertamiráns (Ames), Arzua, Marín, Nigrán, Baiona, Alfoz, Ronda das Fontiñas (Lugo), Rúa do Paseo (Ourense) |
Mércores 9 de decembro | Alcampo (Ferrol), Campus de Elviña e Barrio de Labañou (A Coruña), Ponteceso, Santa Comba, Palmeira (Ribeira), Cuntis, Rúa Rosalía de Castro/Arenal (Vigo), Pazos de Borbén, Chantada, Petín, Larouco, Barrio do Vinteún (Ourense) |
Xoves 10 de decembro | Miño, Repsol A Coruña, Urbanización Matogrande (A Coruña), Carral, O Milladoiro (Ames), Praza de Galicia (Santiago), Zona Herrería (Pontevedra), Moraña, Rúa Rosalía de Castro/Arenal (Vigo), Zona As Travesas (Vigo), Ribadeo, Campus de Ourense |
Venres 11 de decembro | As Pontes, Repsol A Coruña, Cantón-Obelisco (A Coruña), Barrio do Ventorrillo (A Coruña), Noia, Centro comercial As Cancelas (Santiago), Ribadumia, Porriño, Zona As Travesas (Vigo), Viveiro, Ribadavia |
Sábado 12 de decembro | As Pontes, Cantón-Obelisco (A Coruña), Noia, Catoira, Porriño, San Cosme de Barreiros |
Ademais, tamén se pode doar sangue nos locais de doazón existentes nas sete grandes cidades galegas:
HORARIO | |
HOSPITAL CLÍNICO UNIVERSITARIO DE SANTIAGO | Luns a venres das 8.00 ás 22.00 horas Sábados das 8.00 ás 15.00 horas |
HOSPITAL UNIVERSITARIO DA CORUÑA | Luns a venres das 8.00 ás 22.00 horas Sábados das 8.00 ás 15.00 horas |
HOSPITAL ARQUITECTO MARCIDE DE FERROL | Luns das 15.00 ás 22.00 horas Martes, mércores e xoves das 08.00 ás 15.00 horas Venres das 8.00 ás 22.00 horas |
HOSPITAL LUCUS AUGUSTI DE LUGO | Luns e venres das 15.00 ás 22.00 horas Martes, mércores e xoves das 08.00 ás 15.00 horas |
HOSPITAL UNIVERSITARIO DE OURENSE | Luns e venres das 15:00 ás 22:00 horas Martes, mércores e xoves das 8:00 ás 15:00 horas |
HOSPITAL PROVINCIAL DE PONTEVEDRA | Luns e venres das 08.00 ás 15.00 horas Martes, mércores e xoves das 15:00 ás 22:00 horas |
HOSPITAL NICOLÁS PEÑA DE VIGO | Luns a venres das 8.00 ás 22.00 horas Sábados das 8.00 ás 15.00 horas |
Doar, moi sinxelo
Pode doar sangue calquera persoa con máis de 18 anos, que pese máis de 50 quilos e que non padeza nin teña padecido enfermidades transmisibles polo sangue. A doazón de sangue é un acto sinxelo que permite a moitas persoas solucionar o seu problema de saúde e mesmo salvar a vida.
ADOS dispón do sitio web: ados.sergas.gal, as páxinas de ADOS en redes sociais, e o teléfono gratuíto 900 100 828 para resolver calquera dúbida relacionada coa doazón de sangue ou coñecer a data dos desprazamentos das unidades móbiles.
ADOS lembra que, aínda que se pode acudir de forma espontánea, é recomendable solicitar cita no teléfono antes sinalado.
Imaxes relacionadas
