Activo un incendio forestal no concello ourensán de Oímbra, parroquia de Videferre
Segundo as primeiras estimacións, afecta unha superficie provisional dunhas 20 hectáreas
A Consellería do Medio Rural informa dun lume activo arestora no concello ourensán de Oímbra, parroquia de Videferre. O incendio iniciouse ás 11,33 h. e, segundo as primeiras estimacións, afecta unha superficie dunhas 20 hectáreas.
Esta medición é provisional ata que se parametrice a superficie final afectada. Para o control deste lume mobilizáronse ata o de agora 1 axente, 10 brigadas, 4 motobombas, 6 helicópteros e 2 avións.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.