Luisa Piñeiro participa na presentación das Xornadas Marisqueiras do Grove

A delegada territorial da Xunta en Pontevedra, Luisa Piñeiro, participou hoxe na presentación das Xornadas Mariqueiras do Grove que se desenvolverán neste concello do 9 ao 18 de outubro organizadas pola asociación Emgroves.

As xornadas permitirán paliar a suspensión da Festa do Marisco e, tal e como explicou Luisa Piñeiro, trátase dunha decisión “valente” dos establecementos de restauración do pobo para reinventarse e atraer “con toda a seguridade sanitaria necesaria” aos amantes do marisco.