Os tres novos directores da Consellería de Medio Ambiente toman posesión dos seus cargos

A conselleira de Medio Ambiente, Territorio e Vivenda, Ángeles Vázquez, presidiu esta mañá a toma de posesión dos novos directores xerais do departamento que dirixe, despois de que o Consello da Xunta na súa reunión de onte dera o visto e prace.

Así, Sagrario Pérez tomou posesión como nova directora xeral de Calidade Ambiental, Sostibilidade e Cambio Climático, xunto con Jacobo Hortas, o novo director da Axencia de Protección da Legalidade Urbanística, e Francisco Barea, como novo director do Instituto de Estudos do Territorio.