O DOG publica o acordo de reestruturación parcelaria da zona de San Bartolomeu de Berrande, no concello ourensán de Vilardevós
Esta reorganización territorial afecta unha superficie total de 508 hectáreas
O Diario Oficial de Galicia (DOG) publica hoxe o anuncio da Consellería do Medio Rural polo que se aproba o acordo da reestruturación parcelaria da zona de San Bartolomeu de Berrande, no concello ourensán de Vilardevós, que afecta 508 hectáreas.
Este paso supón a determinación dos predios de reemprazo cos novos titulares, coa superficie resultante da reorganización e coa nova clasificación da terra. Así, reorganizáronse un total de 3.942 parcelas en 630 predios, nun proceso que supuxo o investimento de case dous millóns de euros por parte da Xunta.
Contra esta resolución, as persoas interesadas poderán interpoñer recurso de alzada ante a persoa titular da Consellería do Medio Rural, dentro do prazo dun mes, contado desde o día seguinte ao da recepción persoal ou publicación substitutiva.