A Xunta executa traballos de conservación e limpeza nos treitos interurbanos do ríos Tinto e Tella, no concello de Teo
As tarefas están a desenvolverse en distintos puntos dos ríos ao seu paso polas parroquias de Calo e Lucí
As actuacións céntranse na retirada de árbores e de madeira morta na canle
Augas de Galicia mantén activas as actuacións para a mellora dos leitos fluviais e para favorecer as condicións naturais do ecosistema dos ríos
A Consellería de Infraestruturas e Mobilidade, a través de Augas de Galicia, está a executar os traballos de conservación e limpeza nos treitos interurbanos dos río Tinto e Tella, no concello de Teo.
Estas tarefas lévanse a cabo en distintos tramos destes ríos na parroquia de Calo (San Xoán), ao seu paso polo lugar de Vila Verde; e na parroquia de Lucí (Santa María), no lugar da Ramallosa.
Os traballos consisten na retirada de árbores caídas e madeira morta acumulada na canle do río.
Estas accións enmárcanse no programa de mantemento, conservación e mellora que realiza Augas de Galicia no dominio público hidráulico das bacías de Galicia-Costa, no ámbito territorial da zona Galicia-centro.
A Xunta de Galicia mantén activas as actuacións para a mellora dos leitos fluviais e para favorecer as condicións naturais do ecosistema dos ríos.