A Xunta oferta 1.809 prazas en 12 campamentos de verán na provincia da Coruña
A proposta de actividades inclúe campamentos de verán, campos de voluntariado e como novidade minicampamentos de cinco días
Poderán participar mozas e mozos con necesidades especiais e ofértanse para persoas con discapacidade no Albergue Xuvenil de Gandarío
Elaborouse un protocolo específico ante a covid-19 no que se recollen medidas como a redución do aforo, o reforzo do persoal monitor e o incremento das medidas hixiénico sanitarias
A Xunta presentou esta semana a campaña de verán para este 2020, que baixo o nome O verán que necesitas pon á disposición da mocidade 1.809 prazas en diferentes actividades e campamentos de verán na provincia da Coruña. A proposta de actividades, que comezarán na segunda quincena de xullo e se prolongarán ata comezos do mes de setembro, inclúe campamentos de verán, campos de voluntariado e como novidade minicampamentos de cinco días, de luns a venres, en establecementos turísticos. O prazo de solicitude abriuse o pasado martes e terá unha duración de sete días hábiles.
Entre as novidades deste ano está o incremento da variedade das actividades con campamentos de cociña no Centro Superior de Hostalería de Galicia e realizaranse actividades novas en Aldea do Couto (Ponteceso), Albergue de Mazaricos, Escola Oficial Náutico Pesqueira de Ferrol e no Albergue Alvarella.
Así mesmo, un ano máis poderán participar todas as mozas e mozos de Galicia con independencia das súas capacidades ou necesidades especiais. Neste sentido, lembrou que existe unha convocatoria específica para as persoas con discapacidade de entre 11 e 40 anos dotada este ano con 132 prazas. Na provincia da Coruña ofértanse prazas no Albergue Xuvenil de Gandarío.
Protocolo específico
Este programa pretende agradecer a nenos e pais o esforzo realizado durante os últimos meses de confinamento. Baixo o nome O verán que necesitas, esta campaña permitirá darlle as familias un servizo de conciliación atendendo sempre ás medidas de hixiene e seguridade que require actual situación.
Por iso, esta decisión foi consensuada co Comité Clínico, o cal ve viable a súa realización sempre que se garantan as medidas establecidas polas autoridades sanitarias como a redución do aforo nas instalacións para garantir o distanciamento de 1,5 metros, o reforzo do persoal monitor, que permitirá traballar en grupos máis reducidos nas actividades e o incremento das medidas hixiénico sanitarias.
CAMPAMENTOS PROVINCIA DA CORUÑA
CONCELLO | CAMPAMENTO | ACTIVIDADE | |
SADA | Aventura nas Mariñas (Albergue Xuvenil Marina Española) | Campamento multiaventura no medio mariño con xogos, busca de tesouro, aula da natureza, actividades na praia, rutas ambientais, BTT | |
BERGONDO | Actividades no mar Video Mapping A vista de páxaro: Drons Adestrando ao meu robot (Albergue Xuvenil Gandarío) | Campamento naútico –deportivo e de aventura, achegamento á composición de videos, achegamento á creación, control e voo dun dron e achegamento aos principios tecnolóxicos para a creación de robots sinxelos | |
VILASANTAR | Saborea a vida no rural (Escola de Agricultura Ecolóxica de Vilasantar) | Actividades de aventura en contacto coa natureza e achegamento ao medio rural e ao agro | |
SOBRADO DOS MONXES | A aldea perdida (Granxa Zoo de Grixalba) | Campamento de aventura para fomentar o coñecemento e o respecto polo medio natural e polos animais | |
PORTO DO SON | Natureza xunto ao mar (Campamento Xuvenil Virxe de Loreto) | Campamento náutico e de aventura | |
BOIRO | Candilexas (Campamento Xuvenil Espiñeira) | Campamento de temática teatral e de multiaventura | |
MAZARICOS | Multiaventura e aeronáutico (Albergue X. Aeródromo da Fervenza) | Actividades de multiaventura na natureza e taller de aeronáutica | |
PONTECESO | Un país para pintores e poetas (Aldeo do Couto) | Campamento de temática artística (creación audiovisual, creación literaria e poética, teatro, música e cerámica e festiva das artes | |
MELIDE | Natureza no Camiño (Campamento Xuvenil Furelos) | Campamento de multiaventura no medio natural con xincanas, bicicleta de montaña, orientación, sendeirismo, tiro con arco, aula da natureza e karaoke | |
SANTIAGO DE COMPOSTELA | O sabor do verán (Centro Superior de Hostalería de Galicia) | Cociña e ambiente, iniciación á conciña, xogos ecolóxicos, limpeza da natureza, ruta sendeirismo, obradoiro de reciclaxe, coñecemento da contorna,xogos de concienciación ambiental | |
FERROL | Verán activo (Escola Oficial Náutico Pesqueira) | Rutas naturais, visitas culturais, actividades deportivas, xogos acuáticos, obradoiros creativos, actividades no medios natural e de aventura | |
VILARMAIOR | Aventura nas Fragas (Albergue de ecoturismo Alvarella) | Xogos de orientación, de pistas e tradicionais, rutas de sendeirismo e ruta interpretada polas Fragas do Eume. | |
PRAZAS PROVINCIA DA CORUÑA
A CORUÑA | TOTAL | |
Campamentos de 9 a 17 anos | 1.652 | 5.217 |
Campamentos específicos Disca | 15 (Gandarío) | 132 |
Minicampamentos “Coñece Galicia” con Cultura e Turismo | 34 | 595 |
Campos de voluntariado só para mozos galegos (de 18 a 30 anos) | 108 | 336 |
TOTAL | 1.809 | 6.872 |