Política Social visita o centro da Asociación de Familiares de Enfermos de Alzhéimer en Lugo

O director xeral de Maiores e Persoas con Discapacidade, Ildefonso de la Campa, visitou hoxe o centro da Asociación de Familiares de Enfermos de Alzhéimer (Afalu) en Lugo. Alí destacou a calidade asistencial deste servizo que ofrece unha atención de calidade ás persoas con esta patoloxía e ás súas familias.

Ildefonso de la Campa sinalou que é a colaboración entre Administración e entidades a que permite ofrecer unha mellor calidade de vida a un maior número de persoas. Unha colaboración na que, concretou, é fundamental o traballo de Afalu por coñecer de primeira man as necesidades asistenciais das persoas con alzhéimer.