A Xunta destaca en Abadín que eventos como Expogrelo axudan a visibilizar o labor dos produtores do medio rural galego
2020-02-22
https://multimedia.xunta.gal/portal-web/Imaxes/Novas/2020/Febreiro/semana-04/Conde_1.jpg
Abadín (Lugo) 22 de febreiro de 2020
O conselleiro de Economía, Emprego e Industria, Francisco Conde, asistiu esta mañá en Abadín, á XV edición de Expogrelo, unha iniciativa consolidada no calendario de eventos galego que destaca pola calidade deste produto.
Conde felicitou ao concello por impulsar este tipo de iniciativas que visibilizan o traballo dos produtores da zona e que permiten dinamizar o medio rural galego atraendo a público que poderá degustar os grelos, rexistrados na Indicación Xeográfica Protexida, adquirir os 2000 quilos que se porán á venda ou visitar os postos de artesanía e alimentación instalados no recinto feiral de Gontán.
Departamento:
C. de Economía e Industria