A Xunta mantén unha xuntanza con representantes da Fundación Entreculturas Fe e Alegría

O director xeral de Relacións Exteriores e coa UE, Jesús Gamallo, mantivo unha reunión con representantes da asociación Fe e Alegría Ecuador e da organización Entreculturas, para dar a coñecer o traballo que leva a cabo esta ONG inscrita no Rexistro Galego de Axentes de Cooperación para o Desenvolvemento dende ano 1998.

Segundo lle explicaron ao director xeral de Relacións Exteriores e coa UE, a Fundación recibiu nos últimos tres anos financiamento para un total de 21 proxectos. Destacando entre eles que, grazas ao convenio asinado pasado ano no marco do Pacto de Estado contra a Violencia de Xénero, levaron a cabo un proxecto para afrontar a violencia de adolescentes e mulleres refuxiadas na fronteira sur de México.