A Xunta supervisa en Silleda as actuacións levadas a cabo para a mellora de camiños municipais ao abeiro do Plan marco
O director xeral da Axencia Galega de Desenvolvemento Rural (Agader), Miguel Pérez Dubois, supervisou hoxe as actuacións levadas a cabo para o arranxo do camiño entre Piñeiro e Abades, no municipio pontevedrés de Silleda, ao abeiro do Plan marco para a mellora de vías municipais que dan acceso a parcelas agrarias.
O director xeral de Agader, que estivo acompañado na visita polo alcalde de Silleda, Manuel Cuíña, e polo delegado territorial da Xunta en Pontevedra, José Manuel Cores Tourís, aproveitou para lembrar que os concellos galegos teñen ata o vindeiro 10 de marzo para presentar as súas solicitudes de axuda no marco da convocatoria 2020-2021 deste Plan da Consellería do Medio Rural.