Plans e actuacións
Ten dispoñibles para consulta 173 actuacións:
Plan director de Banda Larga de Galicia 2010-2013
O Plan de banda larga de Galicia 2010-2013 define a estratexia de despregamento máis adecuada para que a maior parte da sociedade e as empresas galegas dispoñan de acceso de calidade á banda larga no horizonte do ano 2013.
Plan de Acción de Turismo de Galicia 2010-2013
Incrementar o peso do turismo no PIB, mellorar o salario medio do sector e aumentar a estancia media e o gasto medio diario dos turistas que nos visitan son algúns dos obxectivos prioritarios do plan que establece as liñas básicas de actuación en materia turística do Goberno galego a medio prazo.
Plan de Abastecemento de Galicia - Plan Auga
O Plan Auga é una ferramenta de xestión e ordenación do abastecemento acorde ás novas tendencias e requisitos establecidos principalmente pola Directiva Marco da Auga e polo Real Decreto 140/2003 polo que se definen os criterios sanitarios de calidade da auga de consumo humano.
Plan Galego das Persoas Maiores 2010-2013 - Horizonte 2015
Galicia, ao igual que a maioría dos territorios do noso contorno, atópase ante o desafío do envellecemento poboacional. Un reto que a Consellería de Traballo e Benestar considera, á súa vez, como unha oportunidade que a sociedade galega debe aproveitar para demostrar que é realmente integradora para todas as persoas, con independencia da súa idade.
Plan de Ordenación do Litoral
O Plan de Ordenación do Litoral ten por obxecto establecer os criterios, principios e normas xerais para a ordenación urbanística da zona litoral baseada en criterios de perdurabilidade e sostibilidade, así como a normativa necesaria para garantir a conservación, protección e posta en valor das zonas costeiras.
Impulsa Ourense. Plan de axudas para proxectos empresariais
Impulsa Ourense é un proxecto posto en marcha pola Xunta de Galicia que contempla unha liña de axudas específicas á dinamización do tecido empresarial de Ourense e que está dirixido a empresas e emprendedores que teñan un proxecto empresarial de implantación nesta provincia.
Impulsa Lugo. Plan de axudas para proxectos empresariais
Impulsa Lugo é un proxecto posto en marcha pola Xunta de Galicia que contempla unha liña de axudas específicas á dinamización do tecido empresarial de Lugo e que está dirixido a empresas e emprendedores que teñan un proxecto empresarial de implantación nesta provincia.
Plan de Infraestructuras Xudiciais 2010-2015
A Xunta de Galicia asumiu en 1995 a provisión de medios materiais e económicos para o funcionamento da Administración de xustiza. Iniciouse así unha nova política en materia de infraestruturas para actuar na renovación das instalacións xudiciais ou, se fose o caso, acometer a construción dunha nova planta de edificios xudiciais.
Plan Territorial de Emerxencias de Galicia
O Platerga é un instrumento de carácter técnico que comprende un conxunto de normas e procedementos de actuación que constitúen o sistema e dispositivo de resposta das administracións públicas fronte a calquera situación de emerxencia que se produza no ámbito territorial da Comunidade autónoma de Galicia.
Plan Sectorial da Rede Viaria da Coruña, Arteixo, Culleredo, Cambre, Oleiros e Sada
O Plan Sectorial da Rede Viaria da Coruña, Arteixo, Culleredo, Cambre, Oleiros e Sada ten por obxecto regular a implantación territorial das infraestruturas de estradas nos concellos do ámbito do estudo cando a súa incidencia transcenda do término municipal no que se localizan ou se asenten en varios termos municipais. O plan desenvolveuse segundo o disposto no Decreto 80/2000, de 23 de marzo, que desenvolve a Lei 10/1995, de 23 de novembro, de Ordenación do Territorio de Galicia.