Plans e actuacións
Ten dispoñibles para consulta 173 actuacións:
2014.gal Axenda Dixital de Galicia
Dentro da estratexia do Goberno galego en materia de Sociedade da Información, xorde a Axenda Dixital de Galicia co obxectivo de maximizar o potencial das TIC como peza clave que axude a converter a economía actual nunha economía intelixente, sustentable e integradora, cun alto nivel de emprego, cohesión social e territorial no horizonte de 2014.
Plan de xestión de residuos urbanos de Galicia 2010-2020
O Plan de Xestión de Residuos Urbanos de Galicia 2010-2020 establece as bases para impulsar a xestión de residuos urbanos en Galicia cara un novo escenario máis sostible e acorde coa xerarquía de residuos marcada pola normativa, facendo especial fincapé na prevención e a valorización dos residuos.
Plan de acción integral para as persoas con discapacidade de Galicia 2010-2013
A través do PAIPDG a Xunta de Galicia pretende avanzar na consecución da plena participación das persoas con discapacidade na sociedade e na integración das cuestións que máis afectan a este colectivo en todos os ámbitos de actuación.
Plan de Emprendemento no Sistema Educativo de Galicia - Eduemprende
O Plan de Emprendemento no Sistema Educativo de Galicia - Eduemprende constitúese como o marco de fomento do espírito emprendedor no sistema educativo de Galicia, e establece a estratexia de fomento da cultura emprendedora que se transmitirá á comunidade educativa.
Estratexia SERGAS 2014: a sanidade pública ao servizo do paciente
Para elaborar a Estratexia SERGAS 2014 a Administración sanitaria galega baseouse en catro principios fundamentais: o paciente como centro do sistema, o recoñecemento e potenciación do valor dos profesionais, o papel da innovación e da nova ciencia e o compromiso co desenvolvemento económico e social de Galicia.
Plan Xuventude 2013
O Plan Xuventude 2013 ten por obxectivos principais crear máis oportunidades para a xuventude na educación e no emprego, potenciar a solidariedade mutua entre a sociedade, no seu conxunto, e na xuventude como parte dela e mellorar o acceso desta última á sociedade adulta, así como a súa plena participación nela.
Plan galego de potenciación das linguas estranxeiras
O Plan galego de potenciación das linguas estranxeiras desenvolve unha serie de accións coas que acadar unha mellora da competencia do alumnado e do profesorado no coñecemento das linguas estranxeiras, que se alongue no ensino de adultos e que se inclúa nas directrices de formación ao longo da vida.
Plan de Sistemas TIC na Administración de Xustiza en Galicia (Plan Senda 2014)
A Administración de Xustiza enfróntase con grandes retos derivados dun novo marco legal, das necesidades e demandas dos destinatarios dos servizos públicos e das oportunidades derivadas dos compromisos das administracións implicadas. Senda 2014 avanza no desenvolvemento dos servizos de administración electrónica neste eido.
Plan Ágora Re-comercia 2010-2013
A nova Lei de Comercio Interior establece un marco normativo equilibrado e moderno no que os comerciantes galegos poderán desenvolver as súas estratexias para levar a cabo unha mellora continuada que garanta o futuro da súa actividade.
Plan estratéxico Galicia 2010-2014
O Plan estratéxico Galicia 2010-2014 parte dunha reflexión prospectiva a longo prazo, na que se identifican os retos que Galicia afrontará no futuro, resumidos en tres grandes grupos: o problema demográfico, a competitividade da economía e o respecto medioambiental e aproveitamento enerxético