Plans e actuacións
Ten dispoñibles para consulta 11 actuacións:
Estratexia de Educación Dixital 2030
Estratexia para a Educación Dixital 2030 en Galicia que, a través de dous eixes, catro ámbitos de actuación e 12 accións de impacto, busca fomentar o ecosistema educativo dixital e perfeccionar as competencias e capacidades dixitais das comunidades educativas.
Plan LÍA 2021-2025 de Bibliotecas Escolares de Galicia para a Lectura, a Información e a Aprendizaxe
No ano 2010, o conselleiro de Cultura, Educación e Ordenación Universitaria presentaba no Parlamento de Galicia o Plan LÍA 2010-2015 de Bibliotecas Escolares para a Lectura, a Información e a Aprendizaxe, co que se pretendía dar resposta ás necesidades de avance que neste terreo se viñan manifestando, logo dun período de iniciativas da consellería en relación coas bibliotecas escolares e o fomento da lectura no ámbito educativo.
Estratexia Galega de Linguas Estranxeiras 2030
A Xunta, a través do novo plan de linguas 2030, inxectará 83 M€ no sistema educativo en catro anos para accións de alto impacto e especialización na aprendizaxe de idiomas.
Estratexia Galega para a Educación Dixital 2020 - Edudixital
Edudixital nace para dar resposta aos retos actuais e futuros que presenta a actual sociedade dixital, a través dun novo impulso á educación dixital.
Plan LÍA 2016-2020 de Bibliotecas Escolares para a Lectura, a Información e a Aprendizaxe
O Plan LÍA 2016/2020 de Bibliotecas Escolares é a folla de ruta da que se dotou a Consellería para continuar o seu traballo a prol das bibliotecas escolares e o fomento da lectura nos vindeiros anos.
Plan Galego de Financiamento Universitario 2016-2020
O Plan Galego de Financiamento Universitario 2016-2020 ten como obxectivos establecer un horizonte financeiro amplo de suficiencia e estabilidade para que a Xunta de Galicia e institucións públicas de ensino universitario desenvolvan as súas políticas; definir criterios explícitos de asignación dos recursos públicos en base aos resultados en docencia, investigación e transferencia; estimular a adecuación da oferta docente ás demandas sociais, reorientándoa, potenciando a formación continua, a actividade investigadora e a transferencia tecnolóxica e promovendo a mellora da calidade.
Plan Proxecta
O Plan Proxecta é unha iniciativa da Consellería de Educación, Universidade e Formación Profesional, en colaboración con diferentes organismos, dirixida a fomentar a innovación educativa nos centros a través de programas educativos que desenvolvan as competencias clave como eixe do currículo e os elementos transversais, nos cales se inclúe a educación en valores.
Plan LÍA 2010/2015 de Bibliotecas Escolares para a Lectura, a Información e a Aprendizaxe
O Plan LÍA 2010/2015 para a Lectura, a Información e a Aprendizaxe ten como obxecto principal adaptar os recursos informativos dos centros educativos ás novas necesidades da sociedade da información do século XXI, o que facilitará a promoción e integración das tecnoloxías emerxentes, así como a mellora e renovación das prácticas educativas.
Plan de Emprendemento no Sistema Educativo de Galicia - Eduemprende
O Plan de Emprendemento no Sistema Educativo de Galicia - Eduemprende constitúese como o marco de fomento do espírito emprendedor no sistema educativo de Galicia, e establece a estratexia de fomento da cultura emprendedora que se transmitirá á comunidade educativa.
Plan Xuventude 2013
O Plan Xuventude 2013 ten por obxectivos principais crear máis oportunidades para a xuventude na educación e no emprego, potenciar a solidariedade mutua entre a sociedade, no seu conxunto, e na xuventude como parte dela e mellorar o acceso desta última á sociedade adulta, así como a súa plena participación nela.