Plan Galego de Investigación, Innovación e Crecemento 2011-2015
O Plan Galego de Investigación, Innovación e Crecemento 2011 - 2015 aspira a ser unha ferramenta chave para incrementar de xeito decisivo a competitividade de Galicia e o benestar de todos os galegos e galegas.
![](/documents/35297/42622/plan_i2c.png?version=1.0&imageThumbnail=2
)
Galicia afronta no quinquenio 2011 - 2015 un reto fundamental para o seu futuro: desenvolver un ecosistema de investigación e innovación suficientemente eficiente como para situar a economía galega en posición de competir nunha contorna global.
Ante este desafío, o Plan Galego de Investigación, Innovación e Crecemento 2011 - 2015 impulsado pola Xunta de Galicia, aspira a ser unha ferramenta chave para incrementar de xeito decisivo a competitividade de Galicia e o benestar de todos os galegos e galegas.
Para acadar este obxectivo, é fundamental impulsar unha investigación de calidade, posta en valor e unha innovación comprometida coa competitividade. So así se poderán xerar proxectos de alto nivel, vertebrar mellor o tecido das PEMEs e optimizar o rendemento da economía galega. Pero xunto co impulso político do goberno, é imprescindible que empresas, universidades, centros tecnolóxicos e demais axentes do Sistema Galego de I+D+i se sumen ao cambio cultural necesario para unir investigación e innovación con espírito empresarial e xirar así cara a un modelo de desenvolvemento máis intensivo en coñecemento.
Para acadar os obxectivos perseguidos polo Plan Galego de Investigación, Innovación e Crecemento 2011-2015 é preciso involucrar nel ao conxunto da sociedade galega e moi especialmente ao conxunto de axentes do Sistema Galego de I+D+i. Só así, co esforzo de todos, seremos capaces de afrontar o reto de axudar ao desenvolvemento e ao benestar dos galegos, impulsando o crecemento da sociedade e da economía galegas ao facelas máis competitivas grazas a un uso intensivo do coñecemento.
Obxectivos prioritarios, retos e eixos estratéxicos
O plan marca como obxectivo prioritario estimular o crecemento económico e social de Galicia mediante o impulso e a consolidación do seu capital científico e tecnolóxico, facilitando as relacións entre os Centros de Coñecemento e as empresas. As medidas que contempla son:
A partir desta visión xeral, o plan asume como obxectivo xeral a converxencia do esforzo galego en I+D+i co esforzo do conxunto de España, que en ningún caso debe ser inferior ao 2% do PIB no ano 2015, cifra que nos porá na senda de alcanzar o obxectivo fixado pola Unión Europea para o ano 2020 do 3% do PIB, cunha contribución ao esforzo dun 75% por parte do sector privado.
O Plan Galego de Investigación, Innovación e Crecemento 2011 – 2015 estrutúrase en retos, eixos estratéxicos e liñas de actuación asociadas a cada eixo. Os seus retos fundamentais son:
Os eixos estratéxicos do plan son: