Actualidade
Ten dispoñibles para consulta 997 novas da área temática Agricultura e gandería:
A Xunta reorganizará unha superficie de case 3.500 hectáreas no concello de Lalín, a través de tres novas concentracións parcelarias
Os procesos decretados en outubro do pasado ano de Cristimil, Galegos e Goiás-Xaxán-A Veiga beneficiarán case 1.630 veciños e permitirán ampliar a base territorial de 223 explotacións, cun orzamento previsto global de case 12 M€
A Xunta electoral proclama hoxe os vogais electos no proceso de votación para a renovación de seis consellos reguladores do ámbito agroalimentario
Pendentes de posibles reclamacións ás votacións que se poden presentar ata o venres, quedaría establecida a repartición de vogais nos 15 consellos reguladores que renovan órganos de goberno, sumando os nove onde houbera candidaturas únicas ou pactos
A Xunta aposta por dinamizar o sector primario da Estrada por medio das axudas para a transformación e comercialización de produtos agrarios, que contan cun orzamento de 30 M de euros
José Balseiros explicou que os produtores da localidade poden acollerse a esta orde de axudas, cuxa convocatoria segue aberta, para a construción dun centro de transformación comarcal que lle dea valor engadido ás súas producións
A Xunta destina 17,2 M€ ás explotacións agrogandeiras de Lugo para impulsar a súa modernización e o relevo xeracional
Aprobáronse 464 achegas o pasado ano, máis da metade para a ampliación ou reforma das instalacións, compra de terreos e maquinaria, e outras melloras
A Xunta destina preto de 23 M€ a case 300 beneficiarios para mellorar a sostibilidade económica e ambiental do sector agrario galego
O Diario Oficial de Galicia (DOG) publica hoxe as resolucións destas axudas convocadas o ano pasado para os investimentos en sistemas de xestión de estercos en gandaría, a transformación integral e modernización de invernadoiros, os investimentos en eficiencia enerxética e a aplicación de agricultura de precisión e tecnoloxías 4.0
Máis de 9.500 electores están chamados a votar mañá para a renovación de seis consellos reguladores do ámbito agroalimentario
Destacan as indicacións xeográficas protexidas de Carne de Vacún de Galicia, con máis de 7.600 electores convocados, e a denominación de orixe Ribeiro, con case un milleiro
A Xunta iniciará unha campaña de vacinación preventiva ante a aparición de catro focos de lingua azul en bovinos de Castro Caldelas, Sarreaus, Fornelos de Montes e As Neves
No marco das medidas adoptadas por cinco animais positivos (nas Neves detectáronse dous na mesma explotación), vacinarase nas provincias de Pontevedra e Ourense e nas comarcas veterinarias de Chantada, Terra de Lemos-Quiroga e Sarria, coa previsión de comezar xa en marzo
A Xunta puxo en valor a Lei de recuperación agraria nunha xuntanza informativa no concello de Rianxo
A Consellería do Medio Rural ofreceu unha charla informativa sobre os obxectivos desta Lei, comprometida co avance na recuperación da actividade económica e social de terreos abandonados
A Xunta reorganizará unha superficie de 813 hectáreas en Abadín, a través da concentración parcelaria de Moncelos
Este proceso decretado en setembro do pasado ano beneficiará 630 veciños e permitirá ampliar a base territorial das 29 explotacións da zona, cun orzamento previsto de case 2,5 millóns de euros
