O director xeral de Defensa do Monte, Manuel Rodríguez, asistiu esta mañá ao Salón Internacional da Seguridade (SICUR) que se está a celebrar no IFEMA de Madrid. Alí, puido coñecer as iniciativas máis novidosas relacionadas con este ámbito e puxo de relevo a aposta do Goberno autonómico pola innovación neste sector.  

SICUR é un evento referente a nivel nacional e internacional, centrado na innovación e o desenvolvemento tecnolóxico na seguridade integral dende as súas áreas fundamentais: security, ciberseguridade, seguridade contra incendios e emerxencias e seguridade laboral.