Ferrol, 26 de febreiro de 2024

A Delegación Territorial da Xunta en Ferrol acolleu hoxe un seminario formativo sobre ferramentas e estratexias específicas para unha comunicación efectiva coas persoas con autismo e diversidade cognitiva dirixido a empregados públicos.

A iniciativa, impartida pola Federación Autismo Galicia, vén a completar o proxecto de mellora da accesibilidade cognitiva da Delegación Territorial de Ferrol iniciado o pasado mes de decembro coa instalación de preto de 200 pictogramas nas diferentes unidades. A finalidade do mesmo é a de promover a sensibilización fronte ao autismo e a diversidade cognitiva e implantar medidas para mellorar a accesibilidade nestas dependencias co obxecto de facer unha Administración máis próxima, útil e accesible para tódolos cidadáns, independentemente das súas capacidades.

Preto dun centenar de empregados públicos, divididos en dúas quendas, participaron na sesión formativa que se impartiu en horario de mañá.