Santiago de Compostela, 24 de febreiro de 2024

A directora xeral de Planificación e Reforma Sanitaria da Consellería de Sanidade, Sofía López Linares, reuniuse esta semana, de xeito telemático, co equipo de atención integrada social e sanitaria de Cataluña, para compartir os proxectos e innovacións que se están a a desenvolver en ámbalas dúas   comunidades.

Nesta reunión destacouse a importancia que ten dispoñer en Galicia dunha historia clínica electrónica única (IANUS5), que é o elemento clave para prestar unha atención homoxénea e estandarizada é con criterios de calidade, permitindo a participación de todos os profesionais implicados que comparten a mesma información en tempo real.

Así mesmo, describiuse na xuntanza o modelo de atención ao paciente crónico complexo e/ou avanzado, que supón unha atención proactiva e de asistencia coordinada entre profesionais sanitarios e sociais de atención primaria, atención hospitalaria e centros sociosanitarios, establecendo novos roles e circuítos asistenciais.

Na reunión, a directora xeral estivo acompañada de Patricia Blanco e Consuelo Benito Torres, da Dirección Xeral de Planificación; e de Fernando Santos da Subdirección Xeral de Sistemas e Tecnoloxías da Información.

Por parte da representación de Cataluña, participou na xuntanza Jordi Amblas Novellas, director de atención integrada social e sanitaria, Concepción Barbeta, Joan Carles Contel e Ana Maria Fite.