O delegado territorial da Xunta en Pontevedra, Agustín Reguera, recibiu esta mañá ao alcalde de Cerdedo-Cotobade, Jorge Cubela, que se achegou ao edificio administrativo da Xunta en Pontevedra para interesarse polas distintas liñas de axudas da Xunta de Galicia.

O delegado aproveitou a reunión para reiterar o seu compromiso de seguir moi de preto os retos e necesidades dos concellos e de traballar xunto a todos os alcaldes co obxectivo de “mellorar a vida de todos os galegos e galegas”.