A Consellería do Medio Rural informa de que o incendio forestal rexistrado no concello lugués de Trabada, parroquia homónima, está controlado dende as 20,55 horas de hoxe.

O lume iniciouse ás 12,06 h. deste mediodía e, segundo as últimas estimacións, afecta unha superficie de arredor de 190 hectáreas, parte delas correspondentes ao termo municipal de Ribadeo. Para o seu control mobilizáronse, en total, 1 técnico, 16 axentes, 28 brigadas, 22 motobombas e 1 pa.

A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de X (antes twitter): @incendios085.