Vigo, 31 de xaneiro de 2024

O director xeral de Inclusión Social, Arturo Parrado, destacou a importancia de seguir afondando na colaboración con entidades como Cáritas Diocesana de Tui-Vigo para apoiar ás persoas en situación ou risco de exclusión. Díxoo na visita ás instalacións da entidade, onde tivo a ocasión de conversar con persoal e usuarios.

Arturo Parrado sinalou que as entidades do terceiro sector son as grandes aliadas da Xunta para apoiar ás persoas e familias que pasan por momentos de dificultade económica e que precisan de axuda para saír desta situación e seguir adiante.