A Casa de Galicia en Madrid acolle a presentación do libro El cambiazo, do escritor e xornalista galego Xaquín López
Madrid, 31 de xaneiro de 2024
A Casa de Galicia en Madrid acolleu a presentación do libro, El cambiazo, do escritor e xornalista galego Xaquín López.
O xornalista de TVE presentou o libro, acompañado por Julián Merino, realizador de En Portada de TVE, no que recolle a investigación sobre a polémica primitiva premiada.
Cunha ampla experiencia como xornalista de investigación —principalmente en TVE—, Xaquín López García (Chantada, 1962), acaba de publicar El cambiazo, un libro que aborda o soado caso do boleto da Primitiva premiado con 4,7 millóns de euros que foi reclamado por máis de trescentas persoas. O caso deu pé a un longo proceso xudicial que segue aberto.
A sala principal da Casa de Galicia rexistrou un cheo absoluto para gozar do relato sobre o armazón xudicial, información confidencial e decenas de entrevistas.